இங்கிலாந்து- இந்தியா இடையிலான ஐந்து போட்டிகள் கொண்ட டெஸ்ட் தொடர் நடைபெற்று வருகிறது. ஏற்கனவே முடிந்துள்ள நான்கு டெஸ்டில் இங்கிலாந்தில் மூன்றில் வெற்றி பெற்ற தொடரை கைப்பற்றியுள்ளது. ஐந்தாவது மற்றும் கடைசி டெஸ்ட் நாளை லண்டன் ஓவல் மைதானத்தில் நடக்கிறது.
நான்காவது டெஸ்டில் மொயீன் அலி, ரஷித் அடில் ஆகிய இரண்டு சுழற்பந்து வீச்சாளர்களுடன் விளையாடியது. மொயீன் அலி 9 விக்கெட்டுக்கள் வீழ்த்தி இந்தியா 60 ரன்னில் வெற்றியை பறிகொடுத்தது.
இந்நிலையில் நாளை இந்தியாவிற்கு எதிரான டெஸ்ட் போட்டியில் விளையாடும் இங்கிலாந்து ஆடும் லெவன் அணி அறிவிக்கப்பட்டுள்ளது. இதில் நான்காவது டெஸ்டில் விளையாடிய அதே 11 பேர் இடம்பிடித்துள்ளனர். அணியில் மாற்றம் ஏதும் செய்யப்பட்டவில்லை.
ஐந்தாவது டெஸ்டிற்கான இங்கிலாந்து ஆடும் லெவன் அணியில் இடம்பிடித்துள்ள வீரர்கள் விவரம்:-
1. அலஸ்டைர் குக், 2. ஜென்னிங்ஸ், 3. ஜோ ரூட், 4. பேர்ஸ்டோவ், 5. பென் ஸ்டோக்ஸ், 6 பட்லர், 7. மொயீன் அலி, 8. சாம் குர்ரான், 9. அடில் ரஷித், 10. பிராட், 11. ஜேம்ஸ் ஆண்டர்சன்.
